THE UGADALE HOTEL
Bæjarstæðið og THE UGADALE HOTEL
Ströndin við Machrihanish Dunes völlinn
1 af 3
Machrihanish Dunes er sannkölluð perla, falin á suðvesturströng Skotlands í gríðarlega fallegu umhverfi fjarri ys og þys nútíma lífs. Það er einmitt það sem gerir þetta svæði svo einstakt. Þú bókstaflega finnur fyrir kyrrðinni og sögunni. Það er eins og tíminn standi í stað. Ferðalagið frá flugvellinum tekur um 3 ½ klst og er ein af fallegri leiðum sem við höfum upplifað á ferðalögum okkar um Stóra Bretland undanfarin 15 ár. Leiðin er svo falleg að Paul McCartney og Bítlarnir sáu sig knúna til að semja um hana lag. Þetta lag er „The Long and Winding Road“ Aksturinn er stórbrotinn; byrjar frá Glasgow flugvelli í norður í gegnum Loch Lomond, þar næst inní Skosku Hálöndin. Eftir um klukkutíma er ekið niður skagann í Suður meðfram ströndinni í gegnum hvert sjávarþorpið á fætur öðru. Áður en þú veist af ertu komin til Machrihanish. Hótelið sem okkar gestir gista á heitir THE UGADALE HOTEL. Útsýnið er yfir sjóinn og fyrsta teig á gamla Old Tom Morris vellinum Machrihanish Golf Club.  Gamla knæpan „THE OLD CLUBHOUSE“ er við hliðin á hótelinu og þar er oft mikið fjör langt fram á kvöld og prýðismatur á mjög sanngjörnu verði.

 

Aksturinn frá flugvellinum í Glasgow er skemmtilegur enda leiðin til Macrianish gríðarlega falleg á að horfa. Hótelið er til fyrirmyndar og veitingastaðurinn við hliðina á hótelinu góður. Hinum megin við götuna þar sem hótelið stendur er 1 holan á Macrianish. Par 4 og fyrsta högg yfir hafið. Frábær byrjunarhola á skemmtilegum velli. Dunes völlurinn sem er í 10 mín fjarlægð frá hótelinu er ekki síðri. Frábær áfangastaður og vellirnir 2 skemmtilegir.
Böðvar Eggert Guðjónsson
"I just sat down at my piano in Scotland, started playing and came up with that song, imagining it was going to be done by someone like Ray Charles. I have always found inspiration in the calm beauty of Scotland and again it proved the place where I found inspiration."
Paul McCartney
Það ætti að vera draumur hvers gólfara að spila þennan ótrúlega völl sem liggur í landslagi sem hefur ekkert verið átt við. Holurnar liggj að miklum hluta til meðfram ströndinni með stórbrotnu útsýni. Þetta er völlur sem allir kylfinar eiga að prufa og spila "orginal" skoskan links golfvöll.
Gunnar Gunnarsson.
1 af 3
Golfvellirnir eru aðalatriðið. Þeir eru 2 talsins, Machrihanish Dunes og Machrihanish Golf Club. Þetta eru hvorutveggja stórkostlegir strandvellir. Dunes völlurinn er byggður inní náttúrulegt landslag. Engar jarðvegsframkvæmdir áttu sér stað við byggingu þess vallar, sem er magnað þegar menn upplifa og spila völlinn. Völlurinn er nokkuð krefjandi en sanngjarn. Það eru nokkur blind teighögg á vellinum en merkingar eru til fyrirmyndar og vallarvísirinn hjálpar mikið. Þó er þess virði að fá kylfusvein með sér í hring. Kylfusveinn kostar 45 pund+þjórfé. Brautir vallarins eru breiðar, flatirnar stórar og karginn er ekki þykkur þannig að allir eiga að geta notið þess að leika völlinn. Gamli völlurinn er einnig perla, miklu flatari og látlausari, en alls ekki auðveldari.  
 

Tabbar

Verð

Verð frá kr.
kr. 99.000,-
á mann í tvíbýli

Dagsetningar

24 Ágú til 27 Ágú
kr. 119.000,- á mann í tvíbýli.
31 Ágú til 03 Sep
kr. 119.000,- á mann í tvíbýli.
07 Sep til 10 Sep
kr. 119.000,- á mann í tvíbýli.
15 Sep til 18 Sep
kr. 119.000,- á mann í tvíbýli.
22 Sep til 25 Sep
kr. 119.000,- á mann í tvíbýli.
29 Sep til 02 Okt
kr. 119.000,- á mann í tvíbýli.
20 Okt til 23 Okt
kr. 99.000,- á mann í tvíbýli.
27 Okt til 30 Okt
kr. 99.000,- á mann í tvíbýli.

Flugáætlun

KEFGLA - FI430 0735-1040
GLAKEF - FI431 1420-1540

Innifalið

Flug með Icelandair til Glasgow, flugvallaskattar, ein ferðataska á mann, handfarangur, flutningur á golfsetti og aukagjöld, 3 nætur með morgunverði, 3 x 18 holur ásamt aðgengi að heilsulind hótelsins.

Skilmálar

Staðfestingargjald er 50% af heildarverði. Hægt er að fá staðfestingargjaldið endurgreitt innan 7 daga frá bókun, annars óendurkræft að öllu leyti. Eftirstöðvar skuldfærast 6 vikum fyrir brottför. Tilboðið er miðast við Visa gengi 08.06.2017 GBP 130.  Flugvallaskattar geta breyst án fyrirvara til hækkunar/lækkunar.