Dale Hill

Verð frá kr. 159.000 á mann í tvíbýli

Upplýsingar

Kort

Hótel

Völlurinn

Dale Hill er flott golfhótel, sem er staðsett austan við Gatwick flugvöll, þó aðeins 50 mínútur frá flugvellinum. Herbergin eru rúmgóð og vel útbúin. Á öllum herbergjum er flatskjár, kaffi- og tekanna. Baðherbergin eru stór með baðkari og stórri sturtu. Hótelgestir hafa aðgang að sundlaug og gufuböðum. Á hótelinu er þráðlaust net, tveir veitingastaðir, tveir barir, svo eitthvað sé nefnt.

”

Dale Hill er frábært golfhótel stutt frá Gatwick flugvelli. Fórum 8 félagar saman og spiluðum Ian Woosnam völlin sem er hin mesta skemmtun. Sanngjarn skógarvöllur í frábæru ástandi. Hótelið, veitingastaðurinn og barinn með frábæra þjónustu. Mun kláralega fara á Dale Hill aftur á næstunni og nýta mér þjonustu GB ferða.

Stefán Már Stefánsson, Atvinnukylfingur.

”

Dale Hill golfsvæðið er góður kostur fyrir kylfinga á nær öllu getustigi. Vellirnir tveir eru um margt ólíkir þó þeir séu hlið við hlið. Aðstaðan á Dale Hill er fyrsta flokks og gæði golfvallanna eins og best verður á kosið. Hótelið gott og maturinn til fyrirmyndar. Ég átti afar ánægjulega dvöl á Dale Hill og hlakka til að koma aftur í heimsókn.

Jón Júlíus Karlsson

”

Það var mér sérstök ánægja að leika Ian Woosnam-völlinn sem er svo sannarlega keppnisvöllur í hæsta gæðaflokki. Völlurinn er ekki of langur og dræverinn óþarfur á mörgum holum sem er skemmtileg tilbreyting. Völlurinn býður upp á margar minnisstæðar golfholur og hönnunin fyrsta flokks. Dale Hill völlurinn er ekta enskur klúbbvöllur og hentar sérstaklega forgjafarhærri kylfingum. Ekki langur en með fjölmörgum skemmtilegum golfholum sem kylfingar fá seint leið á.

Jón Júlíus Karlsson

”

Dale Hill skartar frábæru og ekta bresku sveitar landslag, völlurinn er fjölbreyttur en í senn sanngjarn og hentar bæði fyrir byrjendur sem og lengra komna. Woosnam-völurinn er útsýnisperla í hæsta gæðaflokki með hreint frábærum holum sem unun er að spila.

Gunnnar Gunnarsson, GKG

Hótelinu fylgja tveir mjög góðir 18 holu golfvellir, Old Course og Woosnam course, auk góðs æfingasvæðis. Woosnam-völlurinn er sannkallaður Championship völlur. Ian Woosnam lét hafa eftir sér skömmu eftir að völlurinn var tekinn í notkun að hann hefði hannað völlinn með jafnvægi að leiðarljósi. Völlurinn væri nógu erfiður fyrir atvinnumenn en á sama tíma nógu auðveldur fyrir áhugamenn og forgjafarhærri kylfinga. Honum tókst ætlunarverk sitt. Völlurinn er 5430 metra langur af gulum teigum og par 71. Fyrstu holur vallarins eru vinalegar og einn af helstu kostum vallarins er að á mörgum brautum er dræverinn algjörlega óþarfur.

Eldri völlurinn á Dale Hill er samnefndur golfsvæðinu og var tekinn í notkun árið 1973. Mjög skemmtilegur 18 holu völlur og öllu auðveldari en nágranni sinn. Völlurinn er nokkuð styttri en Woosnam-völlurinn, er 4960 metrar að lengd af gulum teigum og spilast sem par 69. Fyrri níu holurnar eru tiltölulega opnar en skógurinn spilar meiri rullu á seinni níu og brautirnar talsvert þrengri. Skemmtilegur golfvöllur þar sem miklu skiptir að halda boltanum í leik. Saman mynda Dale Hill og Woosnam-vellirnir öflugt tvíeyki golfvalla sem kylfingar fá seint leið á. Grein um Dale Hill: http://www.visir.is/dale-hill-perla-i-enskri-sveitasaelu/article/2014140…

Woosnam Course – 18 holur, par 71, 5.428 metrar (gulir teigar), 5.900 metrar (hvítir teigar).

Árið 1997 var Woosnam-völlurinn tekinn í notkun en hann er eins og nafnið gefur til kynna hannaður af Ryder-bikar hetjunni Ian Woosnam frá Wales. Sannkallaður Championship völlur. Miklum fjármunum hefur verið varið í að tryggja að vellirnir á Dale Hill golfsvæðinu skili fljótt frá sér vætu. Hönnun vallarins er sömuleiðis frábær. Ian Woosnam lét hafa eftir sér skömmu eftir að völlurinn var tekinn í notkun að hann hefði hannað völlinn með jafnvægi að leiðarljósi. Völlurinn væri nógu erfiður fyrir atvinnumenn en á sama tíma nógu auðveldur fyrir áhugamenn og forgjafarhærri kylfinga. Honum tókst ætlunarverk sitt. Völlurinn er 5430 metra langur af gulum teigum og par 71. Fyrstu holur vallarins eru vinalegar og einn af helstu kostum vallarins er að á mörgum brautum er dræverinn algjörlega óþarfur. Nokkrar af bestu golfholum vallarins koma nánast í einum rykk. Sjötta er stórskemmtileg par 4 braut í hundslöpp til vinstri þar sem högglengri kylfingar freistast til að reyna að slá inn á flöt. Flatirnar á áttundu og níundu braut eru stórglæsilegar – hreinlega ljósmyndagolfbrautir. Seinni níu holurnar hefjast svo á stórglæsilegri par 3 braut þar sem slegið er inn í trédal. Frábær golfhola og ekki laust við nokkur fiðrildi í maganum geri vart við sig á teig. Seinni níu holurnar eru leiknar á opnara landssvæði en þær fyrri níu. Þrátt fyrir það alls ekki síðri. Þó hættur séu víða þá mun stöðug spilamennska skila fínu skori á Woosnam-vellinum.

Old Course – 18 holur, par 69, 4.960 metrar (gulir teigar), 5.300 metrar (hvítir teigar).

Eldri völlurinn á Dale Hill er samnefndur golfsvæðinu og var tekinn í notkun árið 1973. Það kom undirrituðum nokkuð á óvart hversu miklu meiri umferðin var um Dale Hill-völlinn en hinn stórglæsilega Woosnam völl. Kannski var um tilviljun að ræða en þó er líklegt að eldri meðlimir kjósi fremur að leika á Dale Hill-vellinum sem er mjög skemmtilegur 18 holu völlur og öllu auðveldari en nágranni sinn. Völlurinn er nokkuð styttri en Woosnam-völlurinn, er 4960 metrar að lengd af gulum teigum og spilast sem par 69. Fyrri níu holurnar eru tiltölulega opnar en skógurinn spilar meiri rullu á seinni níu og brautirnar talsvert þrengri. Skemmtilegur golfvöllur þar sem miklu skiptir að halda boltanum í leik. Saman mynda Dale Hill og Woosnam-vellirnir öflugt tvíeyki golfvalla sem kylfingar fá seint leið á.