Palacio De Los Duques, hótelið í Madrid er algjörlega frábært borgarhótel.
Það er svo gaman að heimsækja borg eins og Madríd, sem hefur allt sem prýðir stórborg, eins og spennandi matarmenningu, listir, söfn, mannlíf og verslanir. En dagar í slíkri stórborg geta verið langir og krefjandi svo það er frábært að hafa algeran griðastað á hótelinu, til að hlaða batteríið inn á milli. Palacio de los duques er slíkt hótel. Hótelið er einstaklega fallegt og þar eru öll þægindi sem hægt er að hugsa sér. Hönnun þess er innblásin af málverkinu „Las Meninas“ sem hægt er að skoða í Museo Del Prado í Madrid. Þjónustan á hótelinu er fyrsta flokks og starfsfólkið allt svo einlægt og þjónustulundað. Það er frábær matur í boði og til að toppa þetta allt, eru þaksvalir með lítilli sundlaug á hótelinu, þar sem hægt er að njóta sólarinnar og stórkostlegs útsýnis yfir alla miðborgina. Staðsetning hótelsins er frábær, þaðan er aðeins um fimm mínútna gangur að óperunni, konungshöllinni og dómkirkjunni. Þá er iðandi mannlíf á hverju götuhorni, allt í göngufæri.
DISTANCES
0,55 km from Royal Palace
1,8 km from Prado Museum
0,2 km from Metro station
0,1 Teatro Real (Óperan)
0,3 Plaza Major og Mercado San Miguel
