Terras Dunas, Comporta, Portúgal

Verð frá kr. 409.000,- á mann í tvíbýli (7 nætur og ótakmarkað golf)

Upplýsingar

Kort

Hótel

Myndbönd

Dunas golfvöllurinn á Terras Da Comporta er besti golfvöllur Portúgals. Völlurinn er ca. klukkustund suður af Lissabon, staðsettur í afskekktum strandbæ í jaðri Sado Estuary friðlandsins. Við spiluðum völlinn tvisvar sinnum í október 2024 og hann er í einu orði sagt stórkostlegur.

Við getum boðið uppá ótakmarkað golf í viku sem við teljum verða mjög vinsælan pakka þarna.

Dunas völlurinn er Par-71 og nær yfir 84 hektara af náttúrulegu landslagi og er í strandvallastíl.
Völlurinn er sá fyrsti á meginlandi Evrópu sem er hannaður af hinum virta golfarkitekt David McLay-Kidd. Aðrir frægir vellir frá honum eru meðal annars Brandon Dunes, Queenwood, Machrihanish Dunes og Castle Course í St. Andrews.

”

Þessi einstaki golfvöllur suður af Lissabon er svo sannarlega þess virði að heimsækja. Terras Dunas er algjör perla, hver hola er sniðin að umhverfi sínu, þar sem trjágróður og landslag fær virkilega að njóta sín og hver hola er einstök eins og svæðið allt. Tekið er hlýlega á móti manni frá fyrsta skrefi inn á svæðið og þangað til heim er haldið. Æfingasvæði óaðfinnanlegt og afrekskylfingur heimilisins sem var með í för lýsti þessu best með sínum fyrstu orðum, þetta er algjör paradís.

Svavar Geir Svavarsson

”

Lang besti golfvöllur sem ég hef spilað í Portúgal, og ég hef spilað alla vellina sem eru inná topp 20 listunum. Völlurinn er svo vel byggður. Ég fæ sömu tilfinningu að spila þennan völl og þegar ég spila Kingsbarns, Royal Portrush, Turnberry og Old Course í St Andrews. Tilfinningin er sú að hringurinn líður alltof hratt og ég vil helst ekki að hann endi.

Jóhann Pétur Guðjónsson

Dunas völlurinn er sá fyrri af tveimur 18 holu völlum sem verið er að byggja við Terras da Comporta. Hinn völlurinn opnar í september á næsta ári og það sem við sáum af honum þá verður hann ekki síðri.

Dunas er besti golfvöllur Portúgals skv. mörgum fagtímaritum og er 06. besti golfvöllur meginlands Evrópu skv. Top 100 Golfcourses

Innifalið

“Ótakmarkað golf”

Gisting í Deluxe Garden View herbergi (39m2-42m2) á Quinta Da Comporta með morgunverðarhlaðborði, ótakmarkað golf á Dunas vellinum, ásamt aðgengi að sundlaug, heilsulind og líkamsrækt hótelsins.

GB extra:
*Golfbílar fylgja öllum hringjum ásamt æfingaboltum á æfingasvæðinu.
*Frí vínflaska frá Quinta Da Comporta

Icelandair: Ef þið viljið taka flugið hjá okkur (Icelandair) þá getum við séð um það.
Play: flýgur líka til Lissabon. Ef þið veljið Play og eruð færri en 10 þá bókið þið flugið sjálf. Ef þið eruð 10 eða fleiri þá get ég boðið ykkur hópamiða.

Annað

Hálft fæði: 65€ per person á dag