The Grove - London

The Grove er einn af skemmtilegri völlum sem ég hef spilað, hef farið þar tvisvar. Golfbílarnir eru fyrsta flokks og völlurinn vel hirtur. Hótelið er frábært, herbergin rúmgóð og þjónustan öll til fyrirmyndar. Veitingastaðir eru mjög góðir og gott að fara í SPA sem er stórt og þægilegt. Stærsti kosturinn er að þetta er stutt frá London Heathrow. Þetta er fullkominn staður fyrir hjón eða vinahópa.Ég mun pottþétt fara þarna aftur fljótlega

Þetta er klárlega með betri golf resortum sem ég hef prófað. Hótelið stutt frá flugvelli sem geri mögulegt að spila á komu og brottfarardegi. Allur aðbúnaður, hótelherbergi, matur, heilsulind og viðmót starfsfólks til fyrirmyndar. Golfvöllur með fjölbreyttum og miskrefjandi brautum. Grove komið á listann yfir svæði sem ég mun heimsækja aftur

The Grove er resort á hæsta level, krefjandi völlur og fyrirmyndar þjónusta bæði fyrir og eftir að leik er lokið. Frábær matur og flottasta morgunverðarhlaðborð sem ég hef séð, algjör lúxus.

Frábær golfvöllur sem hentar kylfingum af öllum getustigum. Æfingasvæðið er í hæsta klassa, hótelið er mjög flott og öll þjónusta á svæðinu algjörlega til fyrirmyndar

The Grove er í alla staði mjög flottur staður, flott hótel, mjög góður og skemmtilegur golfvöllur og þjónustan í kringum völlinn eins og best gerist. Veitingastaðir líka flottir og góður matur. Þannig að á skalanum 0-10 fær þessi staður 9,5.

The Grove er hinn fullkomni staður til að fara með stóran hóp á. Hótelið er fyrsta flokks og umhverfið virkilega notalegt. Þá er heilmikið við að vera á staðnum, hvort sem fólk kýs að spila golf, tennis, strandblak eða einfaldlega njóta gönguferða eða hjólreiða í Enskri náttúru. Við vorum 230 manna hópur sem nutum langrar helgar á the Grove og mæli ég eindregið með hópferð á þennan stórkostlega stað

Grove er frábær staður sem vert er að sækja heim bæði hvað varðar gistingu, veitingar og golf. Golfvöllurinn er einn af þessum völlum sem þú þráir að takast á við daginn eftir, bæði hvað varðar landslagið í vellinum og karakterinn.

Starfsfólk hótelsins tók mjög vel utan um hópinn og stjanaði við okkur á meðan dvöl okkar stóð. Fyrir okkur var nauðsynlegt að fara með hópinn í tvennu lagi og komu tíðar samgöngur til London því að góðum notum. Þá skemmir ekki fyrir að það er aðeins 30 mín akstur frá Heathrow til Grove

The Grove er enn eitt meistarastykkið hjá Kyle Phillips. Völlurinn er algjört augnkonfekt, einstaklega vel byggður og vel hirtur allan ársins hring. Kyle Philips hefur tekist einstklega vel til að byggja resort völl, sem er krefjandi en ekki of erfiður sé hann spilaður af skynsemi. Til að spila völlinn vel þarf leikskipulaga að vera í lagi. Hér eru glompur á erfiðum stöðum og innáhöggin þurfa að vera nákvæm. Flatirnar eru hraðar og gefa flötunum á Kingsbarns lítið eftir.“